Nýtt geðsvið NLSH - kynningarfundur um skipulag í Fossvogi
Nýr Landspítali ohf. (NLSH) heldur opinn fund fyrir íbúa og aðra hagsmunaaðila um deiliskipulagsbreytingu Borgarspítala þriðjudaginn 1. september 2026, kl. 17:00. Fundurinn verður haldinn í Víkinni, Víkingsheimilinu í Fossvogi.
Íbúafundur þriðjudaginn 1. september kl. 17 – Víkingsheimilið, Fossvogi
Á fundinum verður fyrirhuguð breyting á aðal- og deiliskipulagi Borgarspítala kynnt íbúum. Breytingin felur í sér að reitur, sunnan og austan núverandi Borgarspítala/Landspítala í Fossvogi verði deiliskipulagður fyrir nýtt geðsvið LSH.
Dagskrá fundarins
- Áherslur og markmið Reykjavíkurborgar og áformuð aðalskipulagsbreyting.
- Drög að deiliskipulagsbreytingu.
- Áherslur Geðráðs.
- Umræður
Fundarstjóri er Helgi Davíð Ingason, sviðsstjóri hönnunarsviðs NLSH
Tilgangur fundarins er að kynna áform um uppbyggingu á nýju geðþjónustuhúsi Landspítala og nýtt deiliskipulag og að eiga samtal við íbúa og aðra hagaðila um verkefnið. Öll velkomin.
